Qiymətləndirmə Palatası Azərbaycanda qiymətləndirmə sahəsinin tənzimlənməsi, inkişafı və beynəlxalq standartlara uyğunlaşdırılması üçün yaradılmış bir qurumdur.

Missiyamız aşağıdakı əsas istiqamətləri əhatə edir:

• Qiymətləndirmə sahəsində hüquqi-normativ bazanın təkmilləşdirilməsi və beynəlxalq standartlara uyğunlaşdırılması.
• Qiymətləndiricilər üçün etik kodeks və peşəkar davranış qaydalarının müəyyən edilməsi.
• Dövlət və özəl sektorda qiymətləndirmə xidmətlərinin keyfiyyətinin artırılması.
• Azərbaycanda qiymətləndirmə sahəsini peşəkar və beynəlxalq standartlara uyğun bir sistemə çevirmək, şəffaflıq və obyektivlik prinsiplərinə əsaslanan qiymətləndirmə xidmətlərini təmin etməkdir. 

Peşəkar qiymətləndiricilərin hazlğırlanması və reyestrə salınması

• Qiymətləndiricilərin davamlı təhsili və inkişafı üçün təlim və seminarların təşkil edilməsi.

Qiymətləndirmə fəaliyyətinin tənzimlənməsi və nəzarəti

• Qiymətləndirmə fəaliyyətinin şəffaf və ədalətli həyata keçirilməsini təmin etmək.
• Qiymətləndiricilərin fəaliyyətinin monitorinqi və pozuntuların araşdırılması.
• Qiymətləndirmə hesabatlarının keyfiyyətinə nəzarət edərək müştərilərin hüquqlarının qorunması.

Beynəlxalq əməkdaşlıq və standartların tətbiqi

• Beynəlxalq qiymətləndirmə təşkilatları ilə əməkdaşlıq edərək Azərbaycan bazarına ən son metod və standartların tətbiqi.

• Qiymətləndirmə metodologiyalarının inkişaf etdirilməsi və modernləşdirilməsi.

• Digər ölkələrin qiymətləndirmə institutları ilə təcrübə mübadiləsi və qarşılıqlı tanınma proqramlarının yaradılması.

Dövlət və özəl sektor üçün etibarlı qiymətləndirmə sisteminin qurulması

• İpoteka, bank kreditləri, investisiya layihələri və məhkəmə mübahisələri üçün etibarlı və şəffaf qiymətləndirmə sisteminin qurulması.
• Dövlət əmlakının idarə olunması və özəlləşdirilməsi prosesində keyfiyyətli qiymətləndirmə xidmətlərinin təmin edilməsi.
• Bizneslərin, daşınmaz əmlakın və digər aktivlərin real bazar dəyərinin müəyyən olunmasına dəstək verilməsi.